Saddabindu pakaraṇaṃ

Namo tassa bhagavato arahato sammāsambuddhassa

1.

Yassañeyyesu dhammesu, nāṇumattampaveditaṃ,

Natvāsaddhammasaṅghaṃtaṃ, saddabinduṃsamārabhe;

2.

Kādiritā navasaṅkhyā, kamenaṭā di yādica,

Pādayopañca saṅkhyātā, suññanāmā saraññanā;

3.

Sarehevasarāpubbe luttāvāvīpareramā,

Byañjanācāgamāvāvī dīgharassādisambhavā;

4.

Kākāsenāgatosisa keniddhimaccadassayi,

Arājakhvaggimesīnaṃ sotukammeghayitthiyo;

Iti sandhikappo samatto.

5.

Buddhapumayuvasanta rājabrahmasakhācasā,

Yatādidehījantuca satthupitābhibhūvidū;

6.

Kaññāmmārattithipo, kkharaṇīnadirumātubhū,

Napuṃsaketiyantāca, padakammadadhāyuno;

7.

Gahitāgahaṇenettha suddhosyādyantakāpume,

Vimalāhontijāntehi thyaṃpañcantehidādhikā;

8.

Napuṃsakepayogātu janakāhontityantato,

Padhānānugatāsabba nāmasamāsataddhitā;

9.

Attiliṅgānipātādi tatoluttāvasyādayo,

Suttānurūpatosiddhā hontivattāmanādayo;

Iti nāmakappo samatto.

10.

Chakārakesasāmismiṃ samāsohotisambhavā,

Taddhītākattukammasa, mpadānokāsasāmisu;

11.

Sādhattayamhiākhyāto kitakosattasādhane,

Sabbatthapaṭhamāvutte avuttedutiyādayo;

12.

Manasāmuninovutyā vanebuddhenavaṇṇite,

Vaṭṭāhitovivaṭṭatthaṃ bhikkhubhāvetibhāvanaṃ;

Iti kārakakappo samatto.

13.

Rāsīdvipadikādvandā liṅgenavacanenaca,

Luttātulyādhikaraṇā bahubbīhītukhemarū;

14.

Tappurisācakhemorā dayācakammadhārayā,

Digavocāvyayāhārā etesabbepihāritā;

Iti samāsakappo samatto.

15.

Kaccāditopiekamhā saddatoniyamaṃvinā,

Nekatthesatibhonteva sabbetaddhitapaccayā;

Iti taddhitakappo samatto.

16.

Kattarināññathākamme tathābhāvetumerayā,

Sabbetepacadhātumhi saṅkhepenamarūmayā;

17.

Gamīmhātiguṇāphatto sambhavāaññadhātusu,

Anantāvapayogāte ādesapaccayādihi;

Iti ākhyātakappo samatto.

18.

Kitādipaccayāsabbe, ekamhāapidhātuto,

Siyuṃnurūpatosatta, sādhanesatipāyato;

Iti kitakappo samatto.

19.

Iminākiñcilesena, sakkāñātuṃjināgame,

Payogāñāṇināsindhu, rasovekenabindunā;

20.

Rammaṃsīghappavesāya, puraṃpiṭakasaññitaṃ,

Maggojumaggataṃmaggaṃ, saddāraññevisodhito;

21.

Teneva kiñci jalito jalito padīpo

Kaccāyanuttiratano citagabbhakoṇe,

Dhammādirājagurunā garumāmakena

Dhammena yobbipatinā sagaruttanīto;

Iti saddabindu pakaraṇaṃ parisamattaṃ.

Yosaññamo guṇadhano nayanaṃ nijaṃva

Sikkhāpayī mama mavaṃ sugatāgamādo,

Salloka puñja suhado padumādi rāma

Nāmo mahā yativarā cariyo samayhaṃ;

Saddhādhanena vasatā viditamhi pupphā

Rāmedhunā ariyavaṃsa dhajavhayena,

Santena ñāṇatilako tyaparākhyakena

Bālānametamavidhīyi mayāhitāya;